Doutora:

Sonia Rico Alonso

Titulo:

La obra literaria de Juan Emar: propuesta estética y arquitectura del texto

Directora:

Eva Valcárcel García (UDC)

Liña de investigación:

Literatura en lengua española y literatura comparada

Resumo:

A produción literaria do prosista chileno Juan Emar (1893-1964) constitúe un exercicio de vangarda pleno, no que se conxugan a busca constante de respostas sobre o funcionamento do universo, a existencia e a identidade propia co emprego de técnicas innovadoras e unha concepción da creación que desborda calquera norma e limitación. O obxectivo deste estudo consiste en revelar a produción de Emar como unha manifestación de prosa de vangarda orixinal, polo medio dunha análise profunda e exhaustiva da súa obra, tomando como fonte principal os seus cadernos de mocidade, as súas obras publicadas nos anos 30 e, por último, a súa obra magna Umbral. Fundamentaremos o estudo coa produción crítica sobre Juan Emar e con determinadas teorías narratolóxicas e filosóficas contemporáneas que permiten desvelar a obra do autor como unha manifestación artística propia da modernidade, na que destacan a coherencia do seu proxecto artístico-vital, concibido desde a adolescencia, e a constancia ao desenvolvelo até o momento do seu falecemento. Deste xeito, a obra de Juan Emar confórmase como una arquitectura, composta por todos os seus escritos, que funciona como refuxio do seu autor e substituto da vida.

Data da defesa: 2018

Acceso: https://ruc.udc.es/dspace/handle/2183/20816

Entrada no programa:

2013-2014

Palabras clave:

Juan Emar, vanguardia, intertextualidad, reescritura